Einurð tekur þátt í NESET verkefninu (NEETs’ Empowerment for Sustainable Employment in the Tourism sector) sem styrkt er af EEA and Norway Grants Fund for Youth Employment. Verkefnið snýst um að þróa námsefni og aðferðir til að að styrkja og virkja ungt fólk til starfa ferðaþjónustu.

Fulltrúar Einurðar, Elva Björt Stefánsdóttir og Einar Halldórsson sóttu fyrsta fund verkefnastjórnar í Varna  10.-11. október.

Einurð er í sérfræði- og stuðningshlutverki í verkefninu og mun halda utan um framkvæmd á greiningu fyrirmynda um þátttöku ungs fólks í nýsköpun og þjálfun í ferðaþjónustu.

FIERE verkefninu er nú lokið, verkefnið sem er evrópskt samstarfsverkefni 6 stofnana og fyrirtækja í 5 löndum sem fól í sér þarfagreiningu, þróun námsskrár og námsefnis tengt nýsköpunarvirkni hjá stofnunum, fyrirtækjum, sjálfboðaliða- og félagasamtökum er tengjast svæða og samfélagsþróun. Svæðisráð Tipperary í Írlandi stýrir verkefninu.

Verkefnið hófst í ársbyrjun 2014 og var til tveggja ára.  Einurð ehf var eini íslenski þátttakandinn og bar ábyrgð á verkefnis- og ritstjórn í vinnupakka 4 þar sem unnar voru “case studies” eða dæmisögur um verkefni sem draga má lærdóm af er kemur að nýsköpunarvirkni og samfélagsþróun. Dæmisögurnar voru notaðar sem hluti af námsefni á FIERE vinnustofunum sem haldnar voru af Einurð og Símenntun Háskólans á Bifröst á Íslandi þann 26. október á Sauðárkróki í samstarfi við Byggðastofnun og þann 14. nóvember fyrir hóp kvenna sem áttu það sameiginlegt að vilja hafa áhrif á sitt nærumhverfi og samfélag í vinnu sinni eða félagsstarfi. Af 26 þátttakendum á vinnustofunum lýstu 10 sig reiðubúna til að verða hluti af samstarfsneti FIERE ráðgjafa eða mentora sem vilja nýta sér námsefni og nálgun verkefnisins í starfi sínu.  Finna má niðurstöður verkefnisins á heimasíðu þess.

Rannsóknasetur verslunarinnar og samstarfsaðilar fengu 36 milljón króna styrk frá Erasmus áætlun Evrópusambandsins í TTRAIN verkefnið sem miðar að því að koma á laggirnar námi fyrir starfsþjálfa í ferðaþjónustufyrirtækjum. Um er að ræða framhald af öðru evrópsku fræðsluverkefni sem tengist þróun náms fyrir starfsþjálfa í verslunum og er undir stjórn Rannsóknasetursins.  Í verkefninu taka þátt, auk Rannsóknaseturs verslunarinnar og Háskólans á Bifröst, Samtök ferðaþjónustunnar ásamt fulltrúum frá Sikiley á Ítalíu, Vínarborg í Austurríki og Kajaani í Finnlandi.  Einurð mun koma að verkefninu en Rannsóknasetrið nýtti sér ráðgjöf fyrirtækisins við umsóknaskrif beggja verkefna. Sjá nánari umfjöllun á heimasíðu Rannsóknasetursins 

Samstarfsaðilar FIERE verkefnsins funduðu í húsnæði Háskólans á Bifröst 18.-19. júní síðastliðinn. Viðfangsefni fundarins var lokafrágangur á FIERE “case studies” og skipulag FIERE vinnustofa sem haldnar verða næsta haust í samstarfslöndunum þ.e. Írlandi, Búlgaríu, Ítalíu, Portúgal, Grikklandi og Íslandi.  Símenntun Háskólans á Bifröst og Einurð munu saman standa að tveimur tilraunavinnustofum næsta haust.  Almenn ánægja var með fundinn þó vissulega hefði veðrið mátt vera betra, hópurinn fór Gullna hringinn áður en haldið var heim á leið, lokaráðstefna FIERE verður haldin í Írlandi í nóvember en verkefninu lýkur um áramótin.

Menntun núna verkefninu í Breiðholti er að ljúka en Stefanía framkvæmdastjóri hefur haldið utan um verkefnið fyrir hönd Reykjavíkurborgar. Lokamálþing var haldið í maí og lokaskýrslu má finna á heimasíðu Menntun núna verkefnanna í Breiðholti og Norðvestur kjördæmi.  Í sumar hefur verið unnið að þekkingaryfirfærlsu tengdri verkefninu m.a. varðandi móttöku innflytjenda og þjálfun brúarsmiða/ráðgjafa en Elsa Arnardóttir mun taka þátt í Evrópuverkefni Mannréttindaskrifstofu Íslands sem fékk Erasmus styrk til að vinna að þjálfun ráðgjafa og móttökuviðtölum.